McCain vs. Obama: Stefnur forsetaefnanna í efnahags- og utanríkismálum

Félag stjórnmálafræðinga hvetur stjórnmálafræðinga til að mæta á pallborðsumræður um bandarísku forsetakosningarnar á vegum Alþjóðamálastofnunar HÍ á morgun. Pallborðsumræðurnar fara á milli 15 og 16.30 í stofu 301 í Árnagarði.

Föstudaginn 31. október stendur Alþjóðamálastofnun Háskóla Íslands fyrir pallborðsumræðum um  forsetakosningarnar í Bandaríkjunum í stofu 301 í Árnagarði.

Í pallborði verða Silja Bára Ómarsdóttir, forstöðumaður Alþjóðamálastofnunar, Mike Corgan, dósent í alþjóðasamskiptum við Boston háskóla, Lilja Hjartardóttir,
stjórnmálafræðingur og doktorsnemi í kynjafræðum, og Þórlindur Kjartansson, formaður
SUS. Rætt verður um stefnur forsetaefnanna John McCain og Barack Obama í
efnahagsmálum og hvaða áhrif þær gætu haft á umheiminn. Þá verða stefnur
forsetaefnanna í utanríkismálum einnig skoðaðar gaumgæfilega, þar á meðal gagnvart
stríðinu í Írak, samskiptum Bandaríkjanna og Evrópu, alþjóðasamvinnu almennt o.fl.

Að umræðum loknum verður boðið upp á léttar veitingar á 1. hæð í Gimli, í boði
bandaríska sendiráðsins í Reykjavík.

Fundurinn fer fram á ensku og er opinn öllum. Aðgangur ókeypis.
Sjá nánar á http://www.hi.is/ams